Wer hett,de hett - Gymnasium Soltau

Een Kummedi in dree Töörns von Erhard Asmus speelt de Soltauer Speelgill för jo up platt:
„Geld regeert de Welt“ – so seggt ´n woll in´n Volksmund… und dorüm geiht dat ok in us Stück.
Kassen Struck, een Buur in een lüttjet Dörp in Norddüütschland, hett in´n Lotto wunnen. Düchtig investiert hebbt se eerstmal, nee Maschinen för den Hoff un ok för de Köök, richtig goot utstafeert sünd se, wat in de sösstiger Joahrn nich selbstverständlich weer.
Awer – as dat so is – wenn´n al veel hett, denn schall ja ok noch veel dorto kamen. Afgeven will ja keeneen, nee, ehrder packt ´n lütt beten för sik sülms an de Sied, awer so, dat de annern nix weet. Blots, wo kann´n dat hendoon, dat nümmseen dat finnen deiht?
Wo sik dat allns entwickelt un hendreiht, dat köönt ji jo ankieken.